ENU Endowment Fund «Таланттар» категориясы бойынша алғашқы стипендияларды табыстады
ENU Endowment Fund «Таланттар» категориясы бойынша алғашқы стипендияларды табыстады

Қаңтардың соңында ENU Endowment Fund тарапынан үш категория бойынша студенттерді қолдауға бағытталған стипендиялық бағдарлама жарияланды: «Инклюзия», «Таланттар» және «Жас зерттеуші». Бағдарламаға 60-тан астам адам өтініш берді. ENU Endowment Fund Қамқоршылық кеңесі үміткерлердің академиялық және жеке жетістіктерін ескере отырып, 10 үздік студентті іріктеп алды. Бұл бастама академиялық үлгерімі жоғары, белсенді және әлеуметтік осал топтарға жататын студенттерді қолдауға бағытталған.

13 ақпанда ENU түлегі, ENU Endowment Fund қамқоршысы Дмитрий Инютинмен кездесу барысында «Таланттар» категориясы бойынша алғашқы стипендия иегерлері жарияланды. Олардың қатарында:

1. Бекболсынов Абдуғафар, экономика факультетінің 2 курс студенті;
2. Ерзатова Мерей, сәулет-құрылыс факультетінің 4 курс студенті;
3. Рахатұлы Қуаныш, ақпараттық технологиялар факультетінің 2 курс студенті;
4. Ламбекова Лаула, халықаралық қатынастар факультетінің 2 курс студенті.

2022 жылы құрылған ENU Endowment Fund студенттерді қолдаудың маңызды құралына айналды. Бүгінде қор гранттық негізде оқитын 16 студентке көмектесіп, 45 стипендия тағайындап отыр.
Made on
Tilda