19 ақпанда ЕҰУ-де университет түлегі – қазақстандық күш атасы, күштік нөмірлер бойынша төрт дүркін әлем рекордшысы, Гиннес рекордтар кітабының рекордшысы және Қазақстанның алты дүркін рекордшысы Сергей Цырульников студенттермен кездесті.

Кездесу барысында ол шеберлік сабағын өткізіп, өз тәжірибесімен бөлісті. Студенттер ерекше әсер алып, спортшының керемет физикалық мүмкіндіктеріне куә болды. Ол күштік өнердің түрлі элементтерін көрсетіп, оның ішінде шегені иіп, өз шеберлігін паш етті. Іс-шара жастарға үлкен мотивация сыйлап, олардың жаңа жетістіктерге ұмтылуына шабыт берді.